Awendia usamento di droga a bira algo normal, caminda cu tin mas adicto ambulante (choller) den centro di ciudad, cu tin polis riba warda. Asina mes polis ta haci tur loke por pa actua ora cos a pasa. Nan no ta traha preventivo pasobra no por cu tanto choller y poco polis.
E imagennan aki ta djis pa ilustra con e situacion ta den un solo area den Playa. Net caminda cu menos bo ta kere, eynan e adictonan ta sinta na grupo y droga curpa. E comportacion aki ta manera un bofta directo den cara di husticia di Aruba. Cu chollernan recidivista ta djis sinta rond di corte riba propiedad di corte y huma droga manera nada a pasa ta un señal robes. E situacion ta for di control.
Riba e imagenan bo ta haya algun idea con e situacion di e adictonan ambulante (choller) ta den Playa. Hopi di nan manera cu caba cu e humamento ta continua pa kibra den negoshinan den Playa.
