E miembronan di Tourism Oriented Police (TOP) hunto cu Bureacu City Inspector (BCI) ta sigui cu e accion pa purba tene nos centro di ciudad mas limpi posibel. E presencia di adictonan a bira asina grandi cu mester haci diferente trabou tur dia pa cosnan cu nan ta trece of laga atras.
Si no ta molester den stad riba negoshinan, ta molester riba turistanan. Asina ta diariamente. Ademas caminda e chollernan ta acumula ta yena cu sushi cu nan mes ta trece. Banda di Ex-Mai Store tambe a constata choller drumi den cierto compartimento.
BCI den presencia di polis a bay den accion un biaha mas. A lanta tur sushi pariba di Ex-Mai Store y tambe a coy corchon cu e chollernan a carga trece eynan. Hasta a lanta choller for di su soño pa asina ruim op unda e tabata drumi.
Plaga completo e chollernan a bira den un Playa cu pronto ta e centro di choller y no centro di Oranjestad mas.
