Pa prome biaha SKIF ta buscando Aruba pa establece loke ta e base di e filial internacional. SKIF ta un federacion intenacional di Shotokan cu ta funciona den 130 pais, cu tin nan sede na Hapon y cu nan cuartel general na Latino America, ta situa na Mexico den man di e maestro Ishikawa.
Segun Kyoshi Alejandro Castro, 7 Dan SKIF – 7 Dan WFK, esaki ta pa establece e base di e organisacion riba e isla. Realmente Castro ta sorprendi di mira na Aruba tanto disciplina, tanto potencial y material. Castro ta sigur cu e isla lo converti den e pais 131 cu lo bay duna aportenan hopi grandi na e institucion. No solamente na nivel como pais, na nivel continental y hasta na nivel mundial

Kyoshi Alejandro Castro ta sorprendi di mira tanto disciplina, potencial y material na Aruba
https://24ora.tv/2meZjaR

Posted by 24ora on Saturday, September 14, 2019

Karate ta un controversia. Hopi hende tin e idea cu e no ta un deporte. E ta un arte. Castro ta kere cu ta nan dos. A logra convivi mutuamente, comprondiendo. Den bida lo mas importante e informacion integral, fundamental den balor. E parti deportivo, manera cu tur hende sa, tin un etapa y den deporte ta fundamenta den resultado.
Pa e resultado tin limite, cu edad. Pero den e parti intelectual, den e parti spiritual, no tin limite. Eynan ta caminda karate ta tuma hopi fortalesa y hopi  forsa, specialmente den e etapa di iniciacion, unda cu nos por mira e conducta di seriedad, di disciplina, di un mucha di 8, 10 of 11 aña, cu ta diferente na un mucha normal.
Karate a demostra cu e ta un arte inclusivo, pasobra e ta traha pa mucha, hoben, adulto, mayornan di edad, hende muhe of hende homber y ta yega na e punto cu tin inclui den e arte, personanan riba 50, 60 of 70 aña y mas bieu, den e parti di karate inclusivo, cerca personanan cu tin deficiencia den pia.
Den e parti intelectual tambe nan ta incluyendo hendenan cu sindrome Down of paralisis. A keda demostra cu e ta bay yuda motiva y traha riba tur e energia interno y fisico.

Comments

comments