Juan Ady Thijsen(MEP): E clase trahado semper ta sufri bao tur gobernacion di AVP y MEP

120

Parlamentario mr. Juan Ady Thijsen como parlementario di nos pais y como experto
laboral ta constata cu atrobe bao un gobernacion di AVP e clase trahado ta bai atras.

Den pasado a mira esaki cu introduccion di cheap labor bao di gobierno di Henny Eman
y tambe e abusonan cu tabata tuma lugar cu contractonan di corto duracion. Na 1992
Partido MEP a escoge pa termina cu e problema aki y a introduci articulo 1613x. Punto
di salida di MEP ta cu trabaonan fiho mester ta pa relacion di trabao fiho pa duna e
trahado stabilidad den su trabao y por ehemplo por haya un prestamo. A pasa 25 anja y
awo atrobe despues di un gobernacion di AVP e clase trahado ta den inseguridad. E
biaha aki ta e fenomeno di uitzendkracht ta e problema principal pero AVP a permiti
varios otro problema lanta cabez.

Segun Parlamentario mr. Juan Ady Thijsen MEP ta considera di suma importancia cu garantianan den ley den cuadra di continuidad di trabao keda vigente. MEP lo no permiti pa mishi cu proeftijd ni cu art.1613x. Pa loque ta toca e uitzendkracht tin violacionnan grandi di ley ta tumando lugar. Trahadonan di exterior ta ser permiti pa traha como uitzendkracht locual pa ley no por. MEP lo revisa e ley di uitzendkracht y haci cambionan pa duna e trahador na Aruba mas seguridad di trabao. Segun Parlamentario mr. Juan Ady Thijsen ta constata cu e seguridad na pia di trabao ta laga hopi di desea. Control ta plama den diferente departamento y ta actua ora algo pasa of un hende yama. Segun Parlamentario mr. Juan Ady Thijsen Inspeccion di trabao tin cu controla uso di helm, boots, masker etc. pero tambe tin circumstancianan manera stoel, posicion di keyboard, monitor, luz den e empresa,
tapijt, airco, calor cu tin cu ta ser controla pero dor di otro ministerionan esta Salubridad
publico y Husticia( Inspeccion Tecnico).

Akinan mester un bon coordinacion. Tambe e trahador mester ser cuida di su mes cu cumplimento di rusttijd y vacacion manera stipula dor di ley. Pues lo mester percura pa un upgrading y miho funcionamento di e tarea di inspeccionan den cuadra di bienestar di e trahado. Segun Parlamentario mr. Juan Ady Thijsen lo studia e posibilidad di introduci menos ora di trabao. Den sector hotelero tin un tendencia cu caonan ta ser cera pa cuarenta ora pa siman. Lo aumenta e dianan di vakantie di sector priva, haci cambionan den ley di Cessantia na beneficioso di trahador y lo adapta Landsverordening ziekteverzekering pa loque ta trata e
temporada di AO. Actualmente e articulo ta bisa "Het recht op ziekengeld ter zake van
eenzelfde ziekteoorzaak vervalt na twee jaren." Esaki segun Parlamentario mr. Juan Ady Thijsen ta inhusto y mester ser cambia. Parlamentario mr. Juan Ady Thijsen ta pidi e
clase trahado pa ta consciente cu votacion ta un medio pa para pa su derechonan y cu
Parlamentario mr. Juan Ady Thijsen y partido MEP ta cla pa e reto den bienestar di e
trahado manera semper. Hunto p'e cambio sin miedo.