Keto bay cada tanto tempo ta mira e mensahenan cu ta wordo laga atras pareu riba atraccionnan turistico riba nos isla. Mensahenan di pedofiel. Lito Lacle, vocero policial ta splica cu si mira bon, riba diferente parti di e isla, e grafittinan ta wordo laga atras. Pa cuminsa un investigacion penal, mester di testigonan cu a mira e personanan aki spuit e grafitti of cu por informacion y informa riba tipline pa por haya suficiente informacion of prueba pa bay over na detene e persona of personanan aki. E ta haciendo daño na diferente parti turistico. 90% di nos GDP ta depende di turismo y esaki no ta bay laga nada drechi como propaganda pa nos turistanan.
For di mesun skina
E situacion aki ta sali for di e mesun skina. E tarea principal di Cuerpo Policial ta pa yega na suficiente prueba pa detene un persona asina aki. Pa detene mester declaracion y testigonan cu a mira esaki. Of via tipline por laga informacion atras y ta cuminsa cu investigacion riba e persona aki. Tanten cu por tin’e den un skina, pero sin prueba no por haci nada penal contra di esaki.
Castigonan cu tin
Lacle a splica cu tin castigo di prizon cu ta suficiente pa bay over na detencion di e persona aki y Ministerio Publico ta dicidi cuanto dia e ta keda. Importante ta pa un biaha mas polis traha un proces verbaal y trah’e mas amplio posibel di tal manera cu su decision ta mas facil pa tene e persona aki mas largo posibel.
Ta yama polis pa pintura
Na comienso polis tabata wordo yama pa diferente caminda, entre otro hotel. Awor aki e yamada pa polis ta minimo. Mayoria di nan no ta wordo comunica na polis ultimamente.
Hendenan mes ta haci luga limpi
Un hende cu tin Aruba na curason ta tuma e iniciativa y bay over na haci limpi. E trabao di Gobierno ta pa haci’e limpi mas pronto posibel.
Mensahe
Mas informacion cu haya aden, mas testigo cu mira e persona aki haci’e, ta mas importante pa polis. Kier bay over na un manera of otro, kita e persona di haci esaki. Con ta kita esaki, door di haya testigo pa declara contra dje, Lito Lacle a splica.
