Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba canchanan na Pos Chiquito.
E cuater equiponan cu a clasifica a inicia cu un page system playoff. Jay’s Tire a clasifica number 3 a enfrenta Celebrities kendenan a clasifica number 4 den un serie di best out of 3. Den e promer wega di e serie Jay’s Tire a planta un simia di respet ganando Celebrities mediante knock out. 
Albertico Noguera kende a start pa Celebrities a logra saka solamente 1 out permitiendo 13 careda den bom di promer inning cual a duna direcion di e wega. Boxscore final Jay’s Tire 20 careda, 12 hit, 2 error y ta laga 6 coredor na base. Celebrities 5 careda, 6 hit, 3 error y ta laga 3 coredor den cirulacion. Mihor bateadornan pa Jay’s Tire ta Jason Orman 2-2 cu un doblete, Sando Geerman 4-2 cu un doblete y un triple mas 5 rbi, Djurwin Croes 2-2, Artoir Herrera 2-1, Josmar Thiel 2-2 cu 3 careda impuha, Egimar Lampe 3-2 incluyendo un triple mas 2 rbi. Pa Celebrities a destaca na bate Ruwin Tromp 2-2 cu 2 doblete, Karel Arendsz 2-1 cu 1 doblete, Gregory Manuel Jr 1-1 y Jowald Croes 2-2.
Erick Henriquez ta back in town y ta seya e victoria riba su nomber enrfentando 17 bateador tirando 17 bola, 34 strike bon pa 51 lansamento. Erick a permiti 5 carteda di cual 2 ta limpi tras di 6 hit, no ta regala base por bola y ta propina 2 strike out na bateadornan di Celebrities. Albertico Noguera ta resulta pitcher perdedor permitiendo 8 careda, 4 hit y 4 base por bola. Jose Gomez ta drenta releva y ta permiti 12 careda, 8 hit y ta regala 6 base por bola. Asina Jay’s Tire ta pika ariba den e serie di 3 wega 1-0. Play Off ta continua dialuna, diamars y diaranson awor riba veldnan na Pos Chiquito.
