Concierto clasico pa muchanan di HospiBondi

Un experiencia nobo e tabata pa e casi 200 muchanan cu ta participa den e vakantie camp di HospiBondi.

Tur aña HospiBondi ta organisa vakantiecamp pa yiu, nieto of familiar di trahadonan di hospital. Durante un siman largo nan ta tene actividad cu nan pafo di hospital mes, ta bay lama, cine, parke y algo cu a pone den e lista di actividad e aña’ki tabata un mini concierto di Aruba Symphony Orchestra.

 

E tabata un momento tambe pa relaha e participantenan despues di tabata hopi activo henter un siman. E conductor di e orkestra a splica e muchanan cu mayoria di esnan cu ta forma parti di e orkestra ta personanan hoben, biba na Aruba pero cu nan of nan mayornan a bini di diferente parti di mundo. “Loke mi kier logra cu e concierto ta pa boso namora di musica cu nos ta presenta,” el a bisa e muchanan.

Algun hoben a haya chens pa experencia con ta dirigi un orkestra y nan a sali contento for di Cas di Cultura.