Recientemente Aruba Food & Beverage Association (AF&BA) a manda un carta pa Minister di Finanza Xiomara Maduro, unda ta splica entre otro asunto di reserve cu no tin y nan preocupacionnan tambe.
Jan Van Nes, kende ta presidi e organisacion a splica cu e carta tabatin dos meta: pone bon cla pakico restaurantnan no tin reserva y di con no ta traha reserva.
AFBA ta bisa cu tur e medidanan tuma riba tereno di salubridad publico ta algo cu nan ta aproba y cu esaki e minister a score un “voldoende”. Den e parti financiero economico, AFBA ta conclui cu Gobierno ta laga su mes wordo conseha door di expertonan via Taskforce, pero ta kere cu e no ta suficiente haci. Tin hopi hende na Aruba cu conocemento riba e tereno menciona, cu por yuda cu nan experticio den e momentonan duro aki.
“Economia ta confiansa. Mi no ta un guru financiero pero mi sa cu economia ta nifica confiansa. Tin confiansa den loke ta pasa den salubridad publico, pero loke ta e parti financiero / economico ta un “dikke onvoldoende”.” P’esey den e carta ta duna algun sugerencia pa haci uzo di personanan manera Fredis Refunjol, Randall Croes, Rick Timmer y hopi Arubiano mas cu por ta parti di e Think Tank. “Ta haciendo masha poco uzo di e cerebronan y experencia cu tin na Aruba mes.
Ta haciendo uzo di un tiki di un banda y un tiki aya, pero esey no ta suficiente.” Van Nes a bisa cu apesar cu nan por ta optimista, pero mester keda realistico na mesun momento. Por ehempel restaurantnan tin un luna cera y sin entrada. Tur cos ta depende di Merca, unda e retonan ta hopi grandi. Y biahamento no ta esencial pa nan na e momentonan aki. No ta mira un inicio bek, manera hopi hende lo pensa of desea. E sector ta sinta cu e start-up mester tuma luga di un forma ordena. Tur cos ta depende di e aerolineanan cu lo restringui e cantidad di vuelonan. E por nifica menos vuelo pa dia. Nan ta pensa cu si yega na un 50% di operacion den e inventario existente lo ta hopi bon pa cuminsa.
Tambe Van Nes a papia di FASE introduci door di Minister di Labor, cu nan ta un poco frustra cu ne. “Hecho ta cu nos ta un luna leu despues cu nos a cera y ainda no tin claridad con e FASE ta. Nos asociacion a manda un carta pa Minister di Labor y copia pa Conseho di Minister pa duna mas claridad riba e programa aki.”
Loading…
Reload document 
Open in new tab Tambe a tende Prome Minister papia un luna pasa di sacrificio pero e parti di sacrificio no a bira nada di hecho den esaki. “Si tur hende ta sigui cobra na 100%, e suma no ta alcansa pa pago di salarionan aki tres luna manera Prome Minister ta bisa. Nos no ta pagando salario pasobra no tin. E sacrificionan cu e Minister y Parlamentarionan a haci ta demasiado poco. Un Minister tin un salario di 15 mil florin y e ta sacrifice 10%, cu no ta comparable cu e manager di un restaurant of waiter cu ta bay cas cu 950 florin. Sector Publico mester duna mas.
Finalizando, el a bisa pa December, 2021 lo por bisa por ta un December normal, pero tin hopi cos cu por cambia. Tur cos ta depende si yega na un vacuna. Ta importante pa sector publico y priva uni forsa
