Prijs di petroleo a baha cu 300%, unda cu companianan a stop contractnan di offshore. Petrolero Ruso ta reduci 290.000 Bpd (bari pa dia) mientras cu crudo ta cayendo den un teritorio negativo. E prijsnan di petroleo na Merca a baha drasticamente como cu e mercado a cay door di e demanda ocasiona p’e pandemia Coronavirus. Stocknan global ta mescla ya cu inversionistanan ta wardando pa mas compania informa con hopi e crisis aki ta costando nan.
E prijs di petroleo di Merca ta bou di $0 pa bari, e nivel mas malo desde cu NYMEX a habri compania di petroleo na 1983. E bahamento aki a bin pasa despues cu e prijsnan a yega un minimo siman pasa ora cu e mercado a ripara di e cortamento record di produccion segun e acuerdo di OPEC+, Rusia y otro productornan no ta suficiente pa compensa e demanda di perdida. Segun Stephen Innes, hefe di strategia di mercadeo global di AxiCorp, e mercado no a tarda pa reconoce e acuerdo di OPEC+, den su forma actual, no ta suficiente pa balansa e mercadonan petroleo.
E contract di West Texas Internacional pa mei ta terminando, y e comercio ta mustrando nan preocupacion riba e cantidad di petroleo cu Merca por warda na medida di e demanda caba, segun Bjornar Tonhaugen, hefe di mercadeo petrolero di Rystad Energy. Esaki ta bayendo na cambionan grandi den prijs. Pa juni e petroleo na Merca a cay mas cu 12% cu ta $21.87. Brent a baha cu 3.9% y esaki ta bou di e $27 pa bari.
Mientrastanto FTSE 100 (UKX) di London y DAX di Alemania a habri un tiki halto, pero CAC 40 (CAC40) di Francia tabata ligeramente negativo. Nikkei 225 (N225) di Hapon a cerca cu casi 1.2% ya cu e pais a informa cu luna pasa e exportacionnan a cay fuertemente mientras cu Coronavirus a hunga un rol riba e economia. Despues di tanto lucha Kospi di Zuid Korea a termina 0.8% mas abou. Hang Seng Index (HSI) di Hong Kong a termina bou 0.2%, Shanghai Composite di China (SHCOMP) a cera cu 0.5% mas halto.
