Pa mas o menos 3:40pm Polis a topa cu un auto marca Nissan modelo March color beige cu number A-28451 coriendo di forma iresponsabel den cayanan di San Nicolas. A dun’e instruccion pa stop, pero e chauffeur, a reta Polisnan dor di aumenta velocidad y purba bay laga nan. Ey a start un persecucion cu a termina na e park na subida di Lago Heights. E chauffeur a perde control y a dal den e barancanan grandi banda di caminda.
E patruya a detene e chauffeur mesora na e sitio y a conclui cu e ta bou di influencia di sea alcohol of droga. A transport’e pa Warda di Polis pa sigui cu mas investigacion. A detene pa trece trafico na peliger, pa nenga ordo di Polis y pa no tin su documentonan den auto na ordo.
