Awe mainta a cuminsa un caso sumario contra Minister Dr. Rudy Lampe. Su ex consehero, e conocido hotelero Jan de Ruijter a demand’e den un caso sumario pa motibo cu el a kit’e for di trabou.
E ta sospecha cu Lampe a haci esey debi cu su fundacion a keha ex Minister Otmar Oduber na husticia pa corupcion. E ta sinti cu Oduber a presiona Lampe pa kit’e for di trabou.
Edwin Duijneveld ta brinda asistencia legal den Corte pa Jan de Ruijter. Nan ta purba pa via e caso sumario, pa Hues obliga Gobierno pa sigui paga e consehero mientras ta deliberando den bodemprocedure pa su contract y servicionan brinda na e Minister.
Jan de Ruijter ta un miembro di e fundacion Nos ta Aruba, hunto cu otro miembronan den comunidad manera Michael Williams.
