Den un momento di aliniacion cosmico cu tabata exactamente manera e predici pero indiscutiblemente misterioso, e luna a gatia rond di cara di e solo, manera mira for di mundo, poniendo un sombra riba Merca dialuna.
Y djey, el a pasa. Un eclipse total di solo cu a yega y a disparce.
E sombra parcial a pasa rond di Merca. y na Texas, unda nos coresponsal Mark-Benson Denz tabata, poco despues di merdia y dura un poco mas cu un ora desde cu e totalidad di eclipse a cuminsa.
E evento unico aki tabata un experiencia astronomico manera niun otro. E eclipse di dialuna tabata accesibel pa miyones di persona. E tabata masha hopi anticipa, no solamente pa su periodo remarcabel di scuridad, pero pa e momento no comun aki. Lo no bay tin un eclipse solar visibel for di Merca sino te cu 2044. Mientras cu miyones di Mericano a mira e eclipse di dialuna, un grupo cu na Texas tabata e prome nan pa mira esaki. Entre nan nos coresponsal Mark-Benson Denz, kende a probecha pa combersa na e sitio cu otro Rubiano, Jairo Vrolij, di Aruba Space and Nature Foundation.
“Esaki tabata algo unico. Mi tin masha poco palabra pa splica loke mi a sinti di mira algo asina unico. Bo mester tabata aki pa experencia personalmente. E ta yena bo di emocion di mira di dia habri, despues bira “nochi” y algun rato su tras ta bira dia bek,” Vrolijk a conta asina cu nan a mira claridad atrobe.
Loke cu a resalta cerca dje ta ora cu e parhanan a cuminsa bula y hasta insectonan ta cuminsa haci straño, cuminsa haci zonido, manera ora cu tin e cambio di dia pa anochi. “Pero bunita ta pa scucha e expresion di e hendenan ora cu a mira e eclipse solar.”
E team a biaha cu nan aparatonan manera telescop y camara pa probecha di saca potret. Nan a bay pa experencia e fenomeno aki y lo comparti nan potretnan cu nan siguidonan. “Durante e totalidad bo mester simplemente para keto y wak den halto cu bo bril y admira e beyesa.”
E eclipse total a cuminsa na Mexico pa 11:07 a.m. PDT, prome cu a crusa pa Texas 1:27 p.m. CDT. El a finalisa na Maine pa 3:35 p.m. EDT.
Eclipse solar ta tuma luga normalmente dos bes pa aña. Dia 2 di october awo tin un annular solar eclipse;. Otro aña lo tin dos eclipse solar parcial na maart y november.
