Un ex-trahado a bin dilanti pa asina haci un denuncia publicamente contra di Ishwar Daryanani. E denunciante, kende a pidi pa ta anonimo, a splica cu aunke el a bin dilanti esaki ta algo cu no ta trata di vengansa.
E denunciante ta haya cu mester bin husticia, pero tambe mester stop cu tipo di cos asina aki. El a expresa pa motibonan di siguridad, e ta prefera di no menciona su nomber. Su denuncia ta contra Daryanani, kende ta un persona cu e no conoce pa hopi tempo. Sinembargo, prome el a cuminsa traha cu ne, Daryanani a ofrece un trabou cu IshMedia Studios. Di cual Daryanani, kende ta doño di Aruba Tourism Channel, e corantnan Amigoe y Advisor. E corant Advisor ta bay n’e hotelnan di Aruba.
El a indica cu Daryanani a ofrec’e pa traha cu ne na comienso di februari y a ofrece un salario di 2.500 florin pa luna incluso un comision di 25%. Den luna di februari e denunciante a cera hopi contract p’e compania di Aruba Tourism Channel. Tabatin dos contract cu el a cera p’un suma di 2745 florin, cual ta 1500 dollar cada uno. Di esaki e denunciante mester a haya 25% y esaki ta yega na un suma di 1372 florin. Aparte pa un campaña nobo “El Billboard”, e denunciante a cera un contract di 1400 florin, y a cera otro pa e corant Advisor.
Nan debe su persona 2500 florin, pero den total e suma ta di 3882 cu e comision. E ta trece esaki dilanti pasobra no por ta posibel cu tin persona asina ta biba aki na Aruba y tin tremendo status, tin tremendo empresa. E persona sa ken e ta y cu e denunciante a haci negoshi cu ne. P’esey e denunciante kier haci un yamada na autoridad, Ministerio Publico cu si algo pas’e, pa nan sa cu Ishwar Daryanani di IshMedia Studios, Aruba Tourism Channel, Advisor y Amigoe, cu ta un corant Hulandes y actualmente ta den kiebro, tur minister, director di ATA y AHATA, cu no ta posibel di tin persona di e status ey traha cu nan. Y cu e persona aki ta un estafador.
Pa mas lesa TREMPAN.COM.
