Ivy Simon-Hernandez, ayudante na Misa San Francisco, a splica cu cuminsando for di dialuna, 25 di september, misa Pro-Catedral San Francisco ta bay tin e fiesta patronal cual ta cuminsa anualmente cu un nobena. Esaki ta inicia awe, 25 di september pa 6:15 pm, cu un duracion di nuebe dia pa termina riba 4 di october, riba diaranson. E misa a cumpli su 100 aña di existencia, dus ta celebrando esaki awor pa su di 100 aniversario.
Tambe ta bay tin e tridium di San Miguel Arcangel cual ta cuminsa diamars te cu diahuebs, cu e nobena cuminsando 5:30pm. Despues riba diabierna ta sigui e nobena normal pa 6:15 pm y misa ta continua pa 7:00 pm. E fiesta grandi mes di San Francisco ta riba diaranson, 4 di october, na unda lo cuminsa cu fiesta pa 6:30 pmi.
Esaki lo cuminsa cu un procesion, for di Hofi di Mama Maria, bay na misa, cu e honor di tin e obispo y tur pastoor cu lo compaña riba e dia akinan. Lo bini e celebracion di San Francisco hunto cu henter e pueblo y comunidad di Aruba. Pa medio di esaki, tur hende ta keda invita pa asina disfruta di e fiesta di San Francisco.
San Francisco ta sumamente satisfecho cu e aña akinan mirando cu tin nan obispo ainda cu nan, lo bay tin e obispo riba e anochi grandi y despues un brindis pa tur parokiano.
