E trabao pa renova Misa di Dakota a cuminsa na luna di Juli. Pero tres aña prome a cuminsa recauda fondonan segun Pastor Daniel Szpila.

E inversion total pa e proyecto ta casi un miyon y mey di florin. Ta un proyecto hopi costoso. Di locual ta e contratista y trabaonan envolvi directamente cu renobacion ta 1 miyon 300 mil florin. Tambe tin gastonan cu construccion di trafo nobo, pa tin coriente cu airco. Tambe e gastonan cu zonido nobo, cu a bin di exterior, cu tin cu instala y diferente otro gastonan cu a haci e proyecto, rond di 1 miyon y mey di florin.

Fielnan

E asistencia a baha na mita of mas ainda. Ta kere cu pa motibo cu no tin luga pa parkeer auto. Esaki ta hopi dificil. Hende tin cu parkeer auto leu, den cayanan di Dakota, pa cana bin despues na cas parokial y ta comprendibel. Tin un grupo fiel di parokiano cu ta asisti cas parokial y espacionan bao di tent semper ta yen durante misanan di diadomingo.

Tur cos lo keda mescos

Segun pader Szpila, por lo pronto tur cos lo keda mescos. Si acaso e asistencia di fielnan lo exigi, por haci mas misa durante fin di siman eventualmente. Pero esaki tin cu duna tempo pa wak con e asistencia di fielnan ta continua despues di apertura.

Voluntarionan

E voluntarionan ta conciente, nan ta observa e trabaonan y nan ta hendenan cu ta bin misa tambe frecuentemente. Tur hende ta conciente. Pader Szpila ta kere cu tur hende ta conforme si acaso no ta logra pa misa di aurora, e hendenan ta keda conforme. Tur esnan cu a conversa cu nan ta bisa cu miho termina trabao trankil, sin ansha. Pero bon haci. Esey ta prioridad. Si acaso no por drenta den misa di Aurora, lo drenta misanan di Pasco y esey tambe ta bunita, si por logra esey.