Tin varios aspecto den Gobernacion cu lo bay tuma luga

Awor aki tin un gobernacion nobo. Tin algun cos cu a menciona prome cu eleccion manera reduccion di edad di pensioen, bahamento di minister, besparing.

Por ehempel e rebaho di edad di pensioen tabata y ta un compromiso di gobierno y a palabra durante di formacion cu lo bay institui un comision, pa mira na ki forma ta bay haci’e, pasobra cu e partido POR por ehempel, tabata tin un otro vision. Segun prome minister Evelyn Wever-Croes, nan tabata kier a bah’e mas ainda, te na 60, pero si un hende kier sigui, e ta lag’e flexibel pa un hende sigui.

MEP a bisa pa bah’e na 62, e ta mas posibel y den esey nan ta. Cu e ta baha, e ta baha.

E besparing, si por yam’e asina riba e presupuesto, pa loke ta trata e gastonan, ta trahando hopi duro riba esey. Di parti di ministerio di asuntonan general, prome minister anterior, tabata tin 120 hende trahando como coordinador. Wever-Croes no lo bay tin mas cu 12 hende trahando como staff. Di 120 pa 12, esey ta loke cu ta su meta, su vision.

E otro ministernan tambe, aunke algun tin mas cartera y tin poco mas coordinador, nan por tin tambe. Pero no e cantidad anterior. Si mira e rebaho ey, esey caba ta yuda den algo.

Un otro tema cu casualmente tabata riba dje, ta huurmento di edificio. Huurmento di edificio 8 aña largo cu e ta den politica a wordo uza contra di dje. Un cos si a propone su mes, cu minister presidente, Evelyn Wever-Croes no ta bay huur ningun edificio. E ta sinta den cuater contract di huur di Minister Eman di diferente localidad na Aruba y no por kibra e contractnan, pasobra nan ta asina hinca den otro cu e hendenan kiermen cu si kibr’e lo bay corte y tin cu paga full e suma.

Bishita di Prome Minister cerca Gobernador

Posted by 24ora on Tuesday, December 5, 2017

Conseheronan di Wever-Croes ta bezig ta mira con pa kibra e contractnan pasobra e luganan ta bashi. No tin ningun hende den nan.

Un di nan ta Bureau Innovatie, cual nunca a existi. Nan no a richt’e op na un forma legalmente bon. E trahadonan tur tabata disponibel voor de duur van de kabinet. Di manera cu ora e gabinete a bay cas nan tambe mester a bay cas. Net na ultimo a purba toch pa haci tur ambtenaar, pero esey no ta valido, pasobra ta un decision demisionario.

Un otro ta BoBario. Mesun cos. E departamento a wordo institui na tempo. Tur tempo nan a uz’e, pero ta un rato prome cu nan a baha, nan a core institui e departamento y e hendenan tambe, tur tabata coordinador y ultimo momento a purba di hacinan tur ambtenaar tambe. Eynan tin un paar di espacio. Tambe tin di compronde cu e graphic designernan hoben tabata tin un otro edificio, unda cu nan tabata haci diseño grafico. Nan no tey mas. Nan a bay hunto cu e gabinete. E luga ta bashi. Eynan tin e contractnan ey pa revisa pa kibra. E ora no tin e gastonan ey mas.

Ta bay logra e rebaho di gasto eynan, door di e diferente medidanan aki cu a tuma.

Reunion den Parlamento

December ta e luna cu bo no kier molestia ningun hende cu reunion den Parlamento. E target ta pa rond di 15 di December ta den parlamento cu e presupuesto supletorio di e aña aki. Hunto cu un ley di financiamento pa e deficit di otro aña, mas e LIM cu ta e cambio di e ministerionan. E tresnan aki lo wordo trata prome cu recess di Parlamento. Dia 22 di December lo cuminsa cu e recess y tin pensa di respeta esey. Prome cu esey mester ta den parlamento cu e tres leynan aki.

No tin mas cambio pa awo

Den e presupuesto aki loke ta bay haci ta trece padilanti kico e gastonan real ta, kico e entradanan real ta. No ta bay tin ningun cambio, un maneho hinca den dje. Locual lo bay mira, ta loke tur hende ta bay sinti ta por ehempel, ora cu a sinta cu tur e instancianan social y a bisa kico ta loke nan tin mester, manera Bureau Sostenemi, lo bay bira e Meldpunt pa tur abuso di mucha. No solamente abuso sexual, pero tambe abuso manera e caso ya conoci. Eynan tin dos hende ta traha. Awor aki e meldingnan a subi hopi mas, despues di e caso di e dos angelitonan. Awor aki tin cu percura pa tin mas hende eynan. Eyden si ta bay mira cambio. Pero si belastingnan ta subi of baha of otro belasting, esey no tin nada pa otro aña.