Un rato pasa alrededor di 3:00pm polis a hay’e ocupa cu’n caso di intento di ladronicia den Emmastraat. Ta trata di e edificio di La Linda, un testigo a mira dos adicto ambulante bula bay parti paden di e edificio. Polis a presenta den un tempo record pero no a topa cu nan. Un rato despues doño di e edificio a yega cu yabi y a asina duna e agentenan espacio pa bay atende cu e dos ambulantenan.
A topa cu conocido Dof y Rafini den e luga. Polis no a basila y a detene nan mesora. Den combersacion cu e propietario, ta conta cu pa algun tempo caba ta haya falta di algun tipo di koper. E propietario ta hasta kere cu ta un ex trahado a duna e adictonan un copia di yabi di e edificio.
Manera ya custuma den pasado, ta horta y bay bende na un adres conoci pa autoridad den Edisonstraat. Ta di aplaudi e forma con pueblo y polis ta traha hunto y den un tempo record pone man riba esnan cu ta merece pa ta encarcela. Na final, transporte policial a busca e dos sospechosonan y transporta nan pa ward’i polis. A haya nan cu un tas tambe, no ta conoci si den e tas tabatin articulonan horta of no.
