A raiz di e denuncia publico haci pa dentista mr. Hendrik Marsman relaciona cu e practica incorecto di cierto tecnico dental, 24ora/TREMPAN a tuma contacto cu Inspectie Volksgezondheid Aruba (IVA) pa haya un reaccion. E departamento su inspector di cuido medico, Cheryl Roza-Fingal, a splica cu nan no tin un keho formal registra cu nan por traha riba dje, pero tampoco ta sorprendi pa e liñanan bruha cu ta existi den e area di cuido dental.
Roza-Fingal ta admiti cu loke ta concerni e area di cuido dental, ainda no tin un bon structura. “No ta hopi duidelijk ken mag di haci kico. Por ehempel, un dentista mag di haci ortodoncia, un ortodontista mag di ranca djente, un tandtechnicus mag di wak pashent su so; un mondhygienist, cu na Hulanda si mag di yena djente, mag di haci na Aruba of no. Esaki ta cos cu mester comprende cu e ley cu a caba di sali.”
E inspector ta referi na e Landverordening Beroepen in de Gezondheidszorg cu ta un kaderwet y ta bisa cu, enberdad tin ‘voorbehouden behandelingen’. Tin cierto cosnan cu solamente un dentista mag di haci of un dentista mag di bisa otro profesional cu e mag di haci pa medio di un instruccion. Por ehempel cu via di e dentista, ta manda na e mondhygienist.Acerca a indica cu e departamento no tin ningun keho pa atende te cu aworaki pa loke ta trata tecniconan dental. “Nos no a haya ningun melding ainda tocante esaki di pashent. Semper nos ta aki, ubica otro banda di Ling & Sons. Si bo tin un keho di cualkier dunado di cuido. Anto for di eynan cu e melding nos ta haci nos meldingonderzoek,” asina e inspector a recomenda. Asina mes, ya a yega di parti boet y cera luga di practica ilegal.
Pa e relato completo, lesa TREMPAN
