E vision di WEB ta un Aruba mas limpi, mihor pa medio ambiente y liber di fuel oil, asina e Director di WEB Aruba NV, Luis Oduber, a anuncia awe. A reduci HFO for di 2005 te awor cu 42%: Cu ekipo nobo y cu fuentenan sostenibel manera biento y solo y proyectonan pa warda energia. A scoge pa uza menos fuel oil como cu esaki ta e factor cu mas ta influencia e tarifa final, en bes di uza calidad di fuel halto y caro pa asina mantene e tarifanan mas abou posibel.
Situacion actual:
Uzo di fuel oil segun contract cu FMSA, a baha for di un nivel max di 3% sulfur pa 2.8% conforme standardnan internacional. E fuel oil cu WEB ta usando actualmente ta e mesun fuel cu ta ser uza mundialmente pa transporte maritimo. Diariamente ta produci ± 4 miyon bari mientras WEB ta consumi average 3500 bari pa dia, pues un 0.09% di e total mundial pa dia. Tin hopi fluctuacion den concentracion di sulfur, pero semper e ta bou di e max. di 3% y mas recien bou di 2.8%. P’esey molester ta varia segun forsa di biento, uzo di fuel oil
Solucion problema na Barcadera:
A scucha e kehonan y a papia cu esnan envolvi pa evalua diferente scenario pa alivia e situacion. E solucion lo ta pa termino cortico: 2 pa 3 luna. E solucion ta encera uza un fuel oil cu max 1.5% di Sulfur en bes di 2.8% ; negocia contract vigente cu FMSA. Lo tuma 2 pa 3 luna pa haña e fuel aki. Lo mester evalua su uzo / gasto. Aumenta midimento di emision na WEB y na Barcadera durante minimo 1 aña y despues analisa resultado di cada medida pa yega na un solucion permanente.
Termino medio pa soluciona e problema ta di mas o menos 1 ½ aña. Lo mester instala 6 motor RECIP nobo/adicional pa reemplaza boiler y turbinanan existente. Uza fuel oil calidad halto cu ta contene maximo 1.5% Sulfur. Motornan RECIP ta mas eficiente y lo reduci uzo di fuel oil y asina reduci emision di gasnan manera Sulfur
Un solucion pa Termino largo lo encera 4 aña, cu ta transicion di fuel oil pa Gas Natural. Lo reduci nivel di emision pa practicamente ZERO.
Desicionnan:
Determina con largo WEB lo por carga e gastonan imprevisto di HFO y den e Proximo 2 pa 3 luna lo mester trece mas claridad pa tuma e decision corecto.
