Despues di e prome siman hopi exitoso di Good4theNeighborhood 2018 di Aruba Bank (G4N), e participantenan tabata entusiasma pa sigui siña den nan di dos siman.
Aruba Bank un biaha mas ta contento di por yuda y siña hobennan tecnica di negoshi, mercadeo y hopi mas pa nan por uza den futuro.
E participantenan tabata hopi entusiasma pa sigui siña mas encuanto e tayer y lesnan cu Aruba Bank ta organisa pa nan. E siman aki e participantenan tabatin 3 dia yena cu lectura, tayer y actividad cubriendo diferente topico manera key partners, elevator pitch, merchandising, pricing y budget.
No tur topico tabata facil y e participantenan a haci hopi pregunta di e lectura y curso. Aruba Bank a keda contento di tur feedback ricibi for di e hobennan. E siman a bay den un ambiente placentero, unda cu aparte cu e hobennan tabata siña diferente materia, nan tabata pasa momentonan hopi agradabel tambe. Aruba Bank ta orguyoso di mira con cada participante ta creciendo dia pa dia den G4N 2018.
