Manera ta un tradicion for di tempo cu a inicia cu e compania na aña 1983, e conocido arkitecto Cai Profet, ta celebra inicio di aña nobo cu e tradicional pagara y un brindis pa un aña yena di arkitectura. Esaki sin duda ta traduci su mes den desaroyo y embeyecimento di nos pais.
Diabierna ultimo a tuma luga e celebracion di inicio di e aña nobo na nan oficina situa den Williamstraat na Playa. Memey di clientenan, empleadonan y invitadonan a brinda pa un aña nobo yena di arkitectura.
INARCH Aruba ta conoci pa hopi aña caba pa nan trabou di arkitectura y diseño interno di proyectonan residencial, comercial y hasta di hospitalidad/hotelero. Nan a comberti nan mes cu aña y experiencia den un nomber sinonimo na calidad y conocemento di e cultura y tradicion local den aspecto di arkitectura.
