FTA ta pidi miembronan di IOWUA uni na e protesta

Manera a anuncia un dia anterior, awe den oranan di mainta trahadonan di CITGO a dicidi di pone trabou abou pa motibo cu no ta haya contesta concreto riba nan preguntanan encuanto cuponan di trabou cu ta existi pa un grupo na e terminal y e departamento marino.

Esnan cu ta forma parti di staff (30) ta miembro di FTA, mientras cu IOWUA tambe tin un grupo cu ta afilia na e sindicato aki. E protesta ta debi cu ta yegando e momento final, pa firma e ultimo documentonan y CITGO ta bay bandona e isla, sin cu nan tin contesta concreto riba nan preocupacionnan.

E trahadonan ta sinti cu nan ta wordo bandona den e trato husto, presidente di FTA Hubert Dirksz a comenta dilanti porta di instalacionnan di e refineria den oranan tempran di mainta. Esey ta motibo cu a dicidi di pone trabou abou.

Trahadonan di CITGO a pone trabou abou. Click e link pa mas https://24ora.news/39TwCVc

Posted by 24ora on Thursday, January 9, 2020

FTA ta spera cu miembronan di IOWUA y otro miembronan di top staff tambe uni na nan protesta. Despues di e protesta, a sinta cu Mediador di Gobierno, cual resultado ta pendiente ainda den curso di dia.