Na e crusada di Solito, banda di veld di RCA, a sosode un accidente entre un Hyundai Accent y Toyota Vitz color shinishi 67946. E accidente aki a pasa na momento cu e Toyota Vitz tabata bin for di rotonde band’i Cas Casuela direccion suit, mientras cu e Hyundai Accent a bin for di Santa Helena y no a brake pa duna preferencia.
Polis di trafico a presenta na e sitio pa haci nan investigacion con e accident aki a pasa. Unidad di Playa tambe tabata na e sitio pa dirigi trafico, unda a percura pa otro automobilistanan no stroba trafico.
E pasahero femenino den e Hyundai Accent a haya sla na pecho y tabata keha di hopi dolor, consecuentemente a pidi asistencia di ambulance. Y a detene e chauffeur di e hyundai accent.
Na yegada e paramediconan a controla e pasahero, pero despues a pone riba cama y transport’e pa hospital pa mas asistencia medico. Ambos auto a sufri hopi daño material.
