E ultimo pashent cu a recupera di Coronavirus, esta Humberto Fuenmayor-Morales, a sali for di cuido intensivo y awo a pase pa piso. Aki e lo por sigui cu su recuperacion. Desde cu el a haya COVID-19, e tabata den cuido intensivo pa mas di 40 dia y 2 biaha tabata den coma.
E nursenan di cuido intensivo a para hunto pa asina aplaudi Humberto di ta un di e tanto hendenan rond mundo cu a recupera.
Humberto ta e di 98 Coronavirus survivor di Aruba y awo e lo sigui cu su recuperacion riba piso. E ta gradeci tur den hospital cu a yud’e den su recuperacion contra COVID-19.