Ya pa basta tempo caba e cas situa p’abao di caminda, dilanti di IMPEX ta bandona. No tin ningun hende ta habita den dje. Manera cu por a nota riba e potretnan adhunto, tin sushedad rondona di e cas y naturalmente, no ta descarta yerba seco.
Diadomingo, pa 1’or y 15 di merdia, bisiñanan den vecindario a yama polis, mirando cu nan a mira huma ta sali for di e cas. Brandweer tambe a bay na e sitio, pa mira kico por a pasa y pa combati e candela. Eynan nan a ripara cu no ta e cas tabata kimando, sino banda p’abo di e cas a cende un candela. Bisiñanan a spanta y a kere cu sigur e cas aki tabata na candela, pero no tabata e caso. Brandweer a sa di domina y paga e candela y tur cos a normalisa bek. Tin cu remarca cu e area di Sividivi, caminda cu e cas ta ubica, tin varios cas riba otro y tin hopi posibilidad di expansion. Cu e accion rapido di parti di e bisiñanan y tambe e mobilisacion lihe di parti di autoridad a haci cu esaki a keda conteni.
