Dia 22 di maart proximo, nos Rubianonan biba na tera friu lo por disfruta di un tremendo fiesta titula Paranda Rubiano.
Eldwin Kock, Promotor Paranda Rubiano a conta cu e fiesta aki lo conta cu presencia di e artistanan local, manera Galloway, Power Soca King 2024, Rocco Flava, Groovy Soca King 2024, Big Reckless, Blacky, Kulchaman & Fanatiq. Pero tambe lo tin algun artistanan local na Hulanda, Barry Caribang Soundsystem, Nicole Manzo, Ayrton, Isaac de Cuba y Punt J.
Sigur un di artistanan cu un trayecto di mas di tres decada ta e gran Janiro Eisden, conoci como Ataniro, cu un actuacion special Back to Basic tambe lo t’ey como un ‘special act.’
Anthony Arends, Promotor Paranda Rubiano a indica cu tur cos ta cla pa diabierna awo. Aña pasa a trece Jeon cu a bolter a luga. Sinembargo, e aña aki a opta pa otro constelacion, pa e concepto no keda mesun cos pa cual a trece Ataniro.
Sigur, un fiesta cu bo no por perd’e! E fiesta lo tuma luga den Maassilo Rotterdam. E fiesta lo cuminsa pa 11:00pm y lo bay te cu 6:00am.
Pa ticket p’e fiesta aki por subi e pagina di Facebook di Paranda Rubiano of Instagram, por haya cumpra entrada. Esaki ta e ultimo fase di e entrada.
Tur cos ta indica cu e lo ta un fiesta ‘sold out’!
