Diabierna despues di 10’or di mainta, Polis a haya yamada di Parke Arikok unda a informa cu nan trahadonan na e brug di Balashi, a haya un kashi cu varios potret, carta y algun otro items personal, hinca den mondi cu ta keda for di bista di e caminda.
Un tiki mas pa noord tambe a haya algun sushi benta den mondi. Ora Polis a yega e Operation Manager Carlos Peterson di Parke Arikok a mustra e Polisnan e kashi benta den mondi. Aki Polis a bay check den e lachinan y cartanan skirbi pa wak si por logra haya algo cu por yuda pa haya sa kico por a pasa.
Si ta artefacto di ladronicia of si ta djis hende a deshaci di nan sushi den mondi, enbes di hiba pa dump.Despues di a check ambos sitio cu a haya sushi tira a tuma declaracion di C. Peterson kende a splica nan cu mas o menos un ora prome cu Polis a yega, su trahador durante nan controle, a encontra e kashi y nan a notifik’e mesora.
E ora den su funcion di Operation Manager, e mes a bay na e sitio pa wak y debi na locual tur cu el a wak, a dicidi pa tur siguridad toch laga Polis bin.Despues cu Polis a tuma tur datos, tur hende a bandona e luga. Polis a laga nan sa cu nan por piki e sushi numa y deshaci di nan na e manera apropia.
