Diasabra atardi a tuma luga un caminata pasivo na memoria di e cachi Khaleesi. Manera ta conoci, ultimo e mascota a muri di un forma cruel despues cu su doño no a dun’e e atencion y cuido necesario.
E morto di Khaleesi a conmove henter nos comunidad. A bay asina leu cu saca e abusado for di partido politico, fundacion boluntario y mucho mas. E causa pa Khalisee pa conscientisa otro riba e cuido di cacho a bira mas popular den comunidad. Despues di combersacion entre Marinus Weegereef, Luna Foundation y demas, a dicidi y organisa un marcha pasivo y silencioso na memoria di Khalisee.
E caminata a cuminsa na post Oscar di Brandweer y a termina na Governor’s Bay. A conta cu hopi participacion di diferente persona compaña pa nan mascota. Entre nan, tambe a nota presencia di lider di Accion 21, Miguel Mansur. No a mira ningun otro politico presente, ni di oposicion y tampoco coalicion.
E ministernan, tampoco, aunke nan ta un di e prome nan cu a sali y cuestiona cuido di cacho na Aruba. Por lo menos Minister Arends a priminti di trece un cambio, pero, actualmente e ta na Canada pa motibonan personal, dia 15 di april e ta yega bek Aruba pero e mesun dia ta bolbe biaha Bonaire pa atende cu asunto di bida maritimo.
