Diasabra anochi polisnan a bay atende un caso abnormal. Hendenan a yama polis pasobra un auto a drenta awa banda di Surfside. Polisnan a busca y topa cu un auto cu via lama e chauffeur a pasa e cura di aeropuerto bay aden. Algo cu no sa pasa. Polis a topa e chauffeur cu su Kia Sportage shinishi A-71001.
E homber di inicialnan C.L. a papia cu polis. Daño na tercera no tabata tin. E chauffeur mes no por a splica con el a yega eynan cu e auto. Polisnan mes entrenan a haya e situacion poco chistoso.
Aunke e chauffeur tabata mustra poco straño of bebi, e polisnan no a mira necesidad pa e haci test. Compania di seguro a ser mira na e sitio ta atende cu e caso.
Despues di tuma tur datos, e dolor di cabes a cuminsa pa mira con lo saca e auto for di paden di e cura di airport. E auto aki salpeter lo haci hopi daño si e no haya un bon laba mesora cu sac’e for di lama.
