Dia 28 di october proximo lo tuma luga e ‘business event’di Camara di Comercio. Actualmente ta notando hopi interes di parti comercio p’e actividad aki. E evento aki ya ta basta conoci den comunidad.
El a cuminsa mas chikito den un forma di ‘business lounge’, djey cu tempo a sigui p’un cena y cu tempo a sigui crece y a cambia su formato.
E evento lo tuma luga riba 28 di october pa 8:00 am y lo termina pa 12:00 pm. Cu tempo a sigui amplia pa un evento mas grandi. E biaha aki lo conta cu tres orador, dos internacional y un local.
For di afo lo conta cu presentacion di Peter Bielagus y Princess Castleberry mientras cu di Aruba lo hiba palabra, Daniele Ferrara. Sue-Ellen de Freitas Sousas di Camara di Comercio a conta cu e topico p’e evento aki lo ta ‘securing your financial future’, sigur un tema sumamente importante. Den sondeo pa orador a topa cu e dos oradornan internacional y a haya nan sumamente importante.
Por ehempel, Peter a yega di conseha varios compania internacional pa yega na un ‘financial freedom’ y con pa maneha bo finansa. Ta importante pa maneha riba finansa di negoshi y personal.
Ilan Lopez di CMB a conta cu esaki ta nan di tres aña consecutivo cu nan ta sostene y patrocina KVK cu nan evento. Lopez a vocifera cu, como banco, bo ta un fuente pa crece economia. Banco t’e intentidad pa yega cu esaki. E no ta un secreto cu na Aruba ta limita den ricibi conocemento, pero hunto cu nan orador local y internacional lo sa di trece informacion riba e formanan di haci negoshi na Aruba.
Cu orador internacional semper ta eleva un evento asina importante. Pa carchi, tin un costo di $100 dollar. Por haya carchi cerca KVK mes, sea via efectivo of transferencia y via e-mail lo sa di manda bo ticket pa e evento asina importante aki.
