Un homber cu tabata cana den Bushiri bayendo su cas a bira victima di atraco. Polis a wordo yama pa e caso.
Ora cu nan a yega a topa e victima. El a splica cu dos homber arma riba scooter a yega riba dje. Nan a pidi tur loke ta su pertenencianan y asina bandona e sitio.
E atraco a tuma lugar banda di Gayero na Bushiri. Den su pertenencianan e tabata tin tambe full su salario. Mientras e trahador a lucha full un luna pa traha honestamente y cobra, e atracadornan a logra den un minuut bay cu un luna di placa.
Un di e atracadornan tabata tin un sweater shinishi y letter di Aruba color cora y carson preto y e otro full na preto. Ambos tabata tin cara tapa.
