Diferente patruya a presenta den area di Tanki Leendert pa un tangana formal cu boter y piedra di un banda pa otro. Dos vehiculo envolvi y un persona a hiperventila te bay off.
Aproximadamente 1:20 am, den orario di ciere di e barnan den area di Tanki Leendert a sosode un caso di disturbio publico formal na momento cu dos chauffeur a confronta otro pa motibo di un daño minimo na un di e autonan. Un KIA Rio coriendo den su banda robes, coriendo banda di un Toyota Mark X den su liña corecto, ambos vehiculo direcion noord. Intencion tabata di pasa e vehiculo pero e KIA Rio a hala bek na su banda corecto caminda un of e otro a pasa rasca auto di otro.
Ambos vehiculo a para pa controla daño. Cada un pa un banda di caminda. Ocupantenan di e Toyota a sali y cuminsa reclama agresivamente. Ocupantenan di e KIA Rio tambe a responde. Di ambos banda a cuminsa bombardia otro cu barnaca of loque nan a haya band’i caminda. Na sitio tabata indica cu a scucha entre 2 pa 3 sonido basta duro, cu ta sospecha di tabata tiro. Aglomeracion di hende a spart for di otro na careda pa evita baranca den cabes y/o tiro den nan direccion. Pa locual ta trata e dos vehiculonan en cuestion, ambos a bandona sitio.
Ora situacion a calma a tuma nota di un hoben tira abou for di tino. Na prome instante a teme cu e tabata herida of alcansa pa un tiro. No tabata e caso. E hoben, al parecer a hiperventila y a bay for di tino. Ambulance a presenta na sitio pa atende cu ne. Mientrastanto polis a sigui un buskeda den area pa e dos vehiculonan causante di tur e disturbio aki. Te cu awo no tin detencion.
