Educacion Profesional Basico (EPB) mescos mayoria scol a habri nan porta bek pa inicia aña escolar 2020-2021. Mescos cu na Abraham de Veer, St. Anna School, Colegio Conrado Coronel y algun scol mas, Coronavirus no ta discrimina y ta parce cu tin badge pa drenta y expande su mes unda cu e kier.
EPB a parti tur klas den dos grupo, A y B. Awe mainta studiantenan a ricibi carta for di scol, bisando cu tin caso positivo den nan organisacion.
E studiante contagia ta den klas KM3D, awe mainta e mayor a yama scol informando cu su yiu ta malo na cas cu Covid-19. E alumno ta den grupo A di e dicho klas. Mescos cu n’e otro scolnan, a manda henter e grupo den cuarentena obligatorio. Pues for di 14 di september te cu 20 di september 2020, nan mester keda cas y wak si ta haya sintoma di e virus.
Si bo yiu ta contagia, meld riba www.epbsannicolas.com entre 7:00am pa 9:00am of yama 5285807. Scol ta desea tur pashent pronto recuperacion. No ta conoci si tin mas caso positivo of no na EPB San Nicolas.
