Tin studiante y docente contagia, pero pa motibo cu nan no a yega scol, no tin necesidad di cera scol ni manda ningun alumno cas. Pero…scol a bira mas estricto pa cuida docente y alumnonan pa evita contagio di Coronavirus.
Actualmente tin diferente caso di contagio na diferente scol y Maria College MAVO no ta un excepcion pa esaki. Ta trata aki di algun studiante, di cual ningun a cuminsa scol ainda. Y un maestro, ken na momento cu a presenta sintoma a restringi su mes di yega scol.
Scol a tuma contacto cu DVG, cu no ta mira necesidad di cera scol, como cu a tene nan mes na un manera estricto na tur protocol di DVG.
Directorado di scol mescos tur hende na Aruba tambe ta preocupa cu e aumento den cantidad di casonan cu tin actualmente. P’esey ta sigui e protocolnan di DVG estrictamente pa hunto por sigui brinda enseñansa na alumnonan cu tanto merece esaki.
