E tradicion Hulandes di “Haring Happen” ta sigui na Aruba na Cafe the Plaza, ora cu e prome haringnan di e temporada a caba di drenta.
Riba diabierna, dia 15 di Juni, amantenan local di e peculiar haring lo aglomer na e popular cafe aki den Renaissance Marketplace pa purba e delicia aki. Prediccio di e pesca di e aña aki ta hopi faborabel: e haringnan di 2018 ta gordo y sabroso: e ta djis slip den bo garganta.
Ya cosnan ta na caminda na Cafe the Plaza, cu e recepcion di e haring nobo, cuminsando pa 6or di atardi. P’afo riba e terasa lo bay tin un garoshi di pisca bendiendo e haringnan. Un stand di cerbes Balashi lo percura pa e combinacion unico di haring y cerbes, mientras cu e banderanan nacional di Hulanda y Aruba lo bula den un union fuerte entre e dos paisnan aki.
E temporada di haring nobo Hulandes lo ta na caminda riba 15 di Juni y lo sigui te cu September. E miho haringnan ta contene por lo menos 16% di vet (vetnan Omega-3 insatura); nan ta yena cu hopi proteina y vitamina manera A1, B1, 2, 6 y 12, como tambe C, D y E. Asina ta awo bo sa cu haring ta bon pa bo salud, bahando bo colesterol mientras cu bo ta disfruta di cada hap.
Nos ta spera cu bo logra yega Cafe the Plaza den Renaissance Marketplace dia 15 pa un hap saludabel y sabroso di e haring nobo di 2018.
