Diamars atardi Hammer Shark a batisa nan uniform nobo y a haci esey den compania di nan sponsor All To Car. A batisa e uniform cu awa.
Greg Croes, coach di Hammer Shark, a bisa cu nan ta yama danki na All To Car pa pone confiansa den nan y sponsor e uniform. Nan sa cu ta un periodo dificil, a caba di saliendo fo’i pandemia, pero asina mes nan a pone confiansa den e team aki.
Dos luna pasa nan a caba di sali fo’i un campeonato, hubenil di ABBA mes. Practicamente nan a sigui train, pero a tuma un of dos siman di sosiego. Nan ta den training tur dia y asina campeonato cuminsa, nan tambe ta cla.
Angel Rojas, representante di All To Car, a bisa nan ta orguyoso di por a coopera cu Hammer Shark pa por a haya nan uniform. All To Car ta bay completo pa yuda Aruba su fundeshi cu ta hubentud, e muchanan, deportista pa crea un base solido. Nan tabata orguyoso di por a coopera y duna bek un toke di aprecio p’e comunidad. Pa mas lesa TREMPAN.COM.
