Diahuebs ultimo, dia 17 di maart 2022, Scol Basico Washington a celebra dia di Himno y Bandera. Nan a haci esaki cu un fietstocht y un speurtocht. E muchanan sigur a gosa un mundo y na un manera special nan a celebra nos dia nacional.
Fraccion di MEP a forma parti di e celebracion aki door di a treat e muchanan un dushi boli pa nan por refresca e curpa durante nan break cortico. Fraccion di MEP a yuda reparti y alabes a percura pa e lugar a keda limpi atras.
Ta di aplaudi e diferente iniciativa cu e scolnan ta tuma pa duna atencion special na un dia nacional asina importante. Banda cu nan ta siña nos muchanan encuanto di e simbolonan di identidad mas importante di nos pais y aporta na un formacion di identidad fuerte serca nos muchanan, nan ta trece e aspecto di fiesta/actividad tambe cu tin como meta pa crea union.
Un pabien na cada scol, cada maestro cu ta haci e tipo di celebracion aki posibel. Mas cu claro Fraccion di MEP ta gradici Scol Basico Washington cu a laga nan forma parti di nan celebracion.
