Un di e habitantenan, Rosa Nurys Godet, a tuma e iniciativa pa acerca DOW y haya permiso pa crea un rotonde chikito den un area di varios cas di famia.
E meta di esaki tabata no solamente pa crea un rotonde, pero pa drecha y decora esaki pa e dianan festivo di fin di aña. E rotonde tabata necesario pa baha tambe velocidad di vehiculonan di motor y trece mas siguridad.
E proyecto aki ta data di juni, 2017, ora cu e idea a surgi. Despues di a haya e permiso, a pidi permiso tambe pa pone un plakkaat, dunando reconocimento na tata di su yiunan cu a contribui grandemente na comercio di Aruba: Ashok Ramchandani (Ash), kende a fayece cinco aña pasa. Esaki ta un forma pa rindi honor na dje pero tambe un regalo pa Aruba, segun sra Rosa Nurys Godet a bisa. E ta un forma pa memoria di Ash keda semper na Aruba.
Nan ta gradici na tur autoridadnan concerni cu a duna nan apoyo pa e proyecto aki keda realisa.
