Recientemente, Banco Central di Aruba (CBA) a realisa un estudio riba e desafionan di e sobreturismo y e cambio cliatico den “small island tourism economies”.
E ta enfoca riba economianan di turismo insular den Caribe y en particular, Aruba.Basa riba un analisis historico di desaroyonan economico, social y ambiental, e estudio ta provee un bista profundo di e retonan compleho y dinamico di sobreturismo y cambio climatico den un economia di turismo di un isla chikito madura.
Sobreturismo ta un fenoneno reciente cu ta describi e crecemento di turismo descontrola mas leu di un nivel di saturacion socioecologico, e asina yama “tipping point”. E ta un consecuencia negativo di e crecemento significante den e intensidad di turista (cantidad di turista pa cada ciudadano) y e densidad di turista (cantidad di turista pa cada meter cuadra), manifestando su mes atrabes di vulnerabilidad economico creciente, carganan social creciente y e degradacion di e ecosistemanan ambiental y fragil.
Esaki ta causa hopi biaha un mayor deterioro di experiencianan di bishitante y ingreso turistico. Cambio climatico por intensifica y empeora e efectonan adverso di sobreturismo, specialmente den economianan di turismo insular caminda turismo ta concentra den areanan di costa.
E resultado di e estudio ta indica cu Aruba ta un di e economianan insular cu turismo mas intenso y turismo mas denso den Caribe. Anualmente, e isla ta atrae un averahe di 17 bishitante per capita y mas di 10 mil bishitante pa cada meter cuadra cu riba 800 camber pa cada meter cuada di e costa.
E presionnan creciente y e riesgo di sobreturisno ta asocia cu e costonan social di participacion di labor deteriorante creciente, trancamento di productividad, e aumento di gasto publico y e aumento di desigualdad di ingreso, como tambe e perdida di reserva natural, e erosion costero y e degradacion ambiental. E efectonan adverso tambe ta empeora door di aumenta e efectonan di storm surges, inundacion y aumento di e temperatura di awa di lama. Ta calcula cu por lo menos 46 porciento di e hogarnan tin un riesgo significativo y creciente di cambio climatico.
E resultadona ta sugeri cu e sobreturiso tin efectonan tanto directo como indirecto den economianan di turismo insular. Mientras cu e beneficionan directo economico di turismo ta archiva den termino cortico pa medio, e costo socio-ecologico y efectonan di sobreturisno ta experencia den e termino largo cu consecuencianan negativo pa generacionnan posterior.E estudio ta conclui cu e reformanan structural y transformacion ta wordo yama urgentemente pa mitiga e costonan di sobreturismo y e reisgo di cambio climatico. E simbiosis di sobreturiso y cambio climatico ta un riesgo substancial pa desaroyonan economico sustenibel.
Pa mitiga e riesgonan aki, innovacionnan significativo y inversionnan ta rekeri den ambos manehonan nacional y e ehecucion.
Esaki ta inclui reformanan di manehonan strategico y comprensivo pa fortalece e durabilidad macroeconomico contra e shocknan economico y e impactonan negativo di cambio climatico.Ademas, ta di suma importancia fortalece e capacidadnan institucional y e gobernansa pa un turismo sostenibel y inclusivo. Si ta bon e economia di turismo insular por ta no capas di controla e clima, e responsabelnan politico tin control ariba y ta responsabel di dirigi e economianan vulnerabel aki pa un futuro mas sostenibel.
