Ata e di 6 luna di aña 2021 a yega (mita di aña a bay caba) pa haci oracion. Grupo San Hudas Tadeo Peregrino ainda no a dicidi di resa cas pa cas pa motibo di e situacion di Covid-19. Pero ta mirando un luz na horizonte cu e grupo lo por bay pensa con pa yega na un solucion pa resa cas pa cas. Resando na un cas di un devoto, e grupo no por ainda den e aña 2021 aki, esey lo ta te un proximo aviso.
Pero asina mes e oracion di tur luna di San Hudas Tadeo lo sigui si y lo ta awor e luna aki di juni 2021 na cas di un devoto riba dia 28 di juni 2021. Esaki lo ta teni na cas di famia Mathilda (Sharline Mathilda) Betonicastraat 37 A, Pos Chiquito (pasa dilanti Tio Pepe Restaurant y sigui bay ariba y ta di 7 cas na man robes). Famia Mathilda lo resa den union cu su famia of cu otro invitadonan cu e famia mes lo ta desea pa invita, teniendo si na cuenta cu e cantidad di persona cu por ta presente, segun e protocol di DVG y e distancia social y e uzo di tapaboca. Lo resa un triduo cuminsando dialuna 28 di juni 2021 y riba diamars 29 y diaranson 30 di juni 2021 y riba e di 4 dia, esta diahuebs 1 di juli 2021, ta pidi pa asisti na un Santo Sacrificio di Misa na cualkier parokia of por sigui un Santo Sacrificio di Misa via TV, Internet, Youtube of Facebook – cu e composturanan lanta y sinta cu ta sigui durante un celebracion di Misa normal na un Parokia. Esaki ta pa gradici San Hudas Tadeo p’e gracia cu a ricibi y tambe p’e gracia no ricibi ainda. Un sacrificio di misa lo wordo pidi pa gradici San Hudas Tadeo y pa cierto intencion na Parokia di Dakota, na Misa Birgen di Fatima, pa 8:00 am.
E devoto- y miembronan cu ta afilia na e grupo lo resa na nan cas, e oracionnan di Triduo na honor di San Hudas Tadeo pa e 3 dianan di e luna ya menciona y lo haci despues mescos referente gradicimento ya previamente menciona. Asina e grupo di oracion lo sigui door cu mayoria ta di risico halto, pero sperando cu awor si e devotonan a tuma e di 2 vacuna caba y cu e grupo por yega pronto na un solucion con ta sigui cu e oracion cas pa cas sin ningun problema.
Tin caba riba schedule pa luna di juli 2021, esta 28 di juli 2021, oracion cu lo ta teni na cas di famia Gomez (Madeleine Gomez) Vuylestekestraat 3, San Nicolas. Si tin cualkier devoto cu lo ta desea pa ricibi e imagen peregrino di San Hudas Tadeo na nan cas por yama libremente Myriam Vrolijk na telefon number 594-1829 of Ida Croes na telefon number 594-4144. Cu mucho gusto nan lo por duna mas informacion.
