Ministerio di Asuntonan Social y Labor hunto cu Departamento di Labor y di
investigacion ta informa cu den reunion di conseho di minister di awe mainta a dicidi cu ta reconoce e dialuna di carnaval di 2021 como dia liber. Siendo e dialuna prome cu e diaranson di shinishi, y pendiente e cambio di articulo 22 inciso 1 sub B di e Arbeidsverordening 2013.
Tambe pendiente e ratificacion di esaki por medio di un Landsbesluit H.A.M., unda ta haci un apelacion na sector priva pa considera e dia aki tambe como un dia festivo.
Por lo menos dos abogado a reacciona mesora, bisando cu ni minister Glenbert Croes ni henter conseho di minister no tin e autoridad pa duna un dia liber asina sin mas. Locual nan ta purba awo ta di corigi e nomber Carnavalsmaandag pa hacie e dialuna prome cu diaranson di shinishi. Hecho ta cu e dia ey no ta liber y cu gobierno mas bien awo ta haci un apelacion na comercio pa duna liber of sino paga e trahadonan dobel. Siendo un apelacion e lo keda na e dunadonan di trabou awo pa dicidi si ta cumpli cu e peticion/apelacion of no.
