Despues di e prome carta cu Sindicatonan Uni a manda pa gobierno pidiendo participacion den ehecucion di landspakket, a tuma nota di reaccion di prome minister.
Un biaha mas nan a manda un carta pa e mandatario den cual ta expresa cu nan a tuma nota cu tin cierto asuntonan ta den ehecucion caba y no tabatin dialogo. E di dos carta manda pa e mandatario ta contene nomber di 16 sindicato, pero 12 lider sindical a nombra. Cuatro otro espacio a keda sin firma cu ta esnan di ABV, SIMBA, SCCA y STA.
E sindicatonan ta bisa “no por ta asina, cu Gobierno cu diferente trabaonan cu tin cu keda cla den e periodo corto te april 2021, ta bin y impone cambionan ariba tereno laboral na un forma unilateral. Specialmente si esakinan lo tin consecuencianan menos positivo pa e clase trahado,” nan ta bisa.
E ta un carta basta largo cu por lesa den e documento inclui den e articulo aki.
Na final ta urgi e mandatario pa honra e peticion pa dialoga y participa den e reunionnan clave, unda e bos di e clase trahado tambe na un manera serio y responsabel ta keda scucha. “Nos ta urgi pa nos haya e oportunidad pa trece nos puntonan ariba mesa manera debe ser. Mirando cu e trayecto ya a start sali dia 1 di februari 2021 nos no por ni kier keda warda…”
Loading…
Reload document 
Open in new tab 
