Awe nochi Minister Presidente mr. Evelyn Wever-Croes a anuncia medidanan cu lo bay bin. Minister di Salud, Dangui Oduber, a bisa 24ora cu tur cos ta keda mescos, pero e toque de qued lo bay te fin di luna. Minister Presidente a bisa cu lo tin di aumenta e grado di alerta pa COVID-19 y esaki tin di haber p’e cantidad di casonan cu a aumenta. Tur e medidanan aki ta drenta na vigor entrante 7 di januari.
Awo tin 488 caso activo y 50 persona a fayece p’e virus aki. Diamars a bin acerca 110 caso, pero awe 95 caso nobo. Esaki ta significa cu tin 53 caso di averahe pa dia. Tur esaki ta algo preocupante, pero un otro factor ta e ocupacion di aumento di hende na hospital. Hospital ta bezig cu su plan y nan ta mira kico tur lo bay haci, di cual si ta stop cierto servicio.
Ya caba tin e gebiedsverbod banda di beach, pero awo e orario di prohibicion pa ta riba parkeerplaats ta desde 7:00PM. Esey ta significa cu toque de queda ta bay te 31 di januari, orario di cierre pa tur negoshi ta keda 10:00PM te fin di luna. Mientras cu tin prohibicion di ta riba parkeerplaats y na beach, a cambia e orario y esaki ta cuminsa desde 7:00PM.
Altocomisario Vanessa Tjon-Kock a bisa e crisis team a bin cu e medidanan. Faya bo haya cu ta uza durante carnaval, awo lo bin cu esaki. Cu e medida aki por impone boet halto y cobra mesora, pero tambe ta depende e delito cometi. E comportacion y cooperacion den comunidad no ta facil, y esey ta pone cu por actua segun e decreto ministerial. Ta uza esaki pasobra ora di pidi cooperacion di hendenan for di parkeerplaats, hopi no ta coopera.
A bin cu e medida pa loke ta actividad musical y ta para tur cos. No ta permiti actividadnan social, di carnaval, pasobra musica ta atrae aglomeracion di hende. Pero altocomisario ta urgi na doñonan di establecementonan pa no organisa ni propaganda evento social. Riba boto y yate tampoco ta permiti aglomeracion; esta no ta permiti mas di 4 persona. Pa loke ta samenscholing ta keda mescos, pero a dicidi di baha esaki na 2 persona riba caminda publico.
Fiscal Yolanda Pronk a splica kico ta faya bo haya, unda cu lo detene e persona y lo pasa pasa den un procedura. CEA lo hiba e detenido y eynan e lo presenta dilanti subfiscal. E persona cu no por paga e boet na e momento ey, tin dos siman pa paga of mester haci un areglo di pago. Si no cumpli cu esey, ta haya un citacion pa presenta na corte. Aki hues lo dicta
SVb a informa DVG cu hopi hende a meldziek y esakinan tabata relaciona cu COVID-19. Pa loke ta hospital, nan tin di bay habri mas afdeling y uza mas personal. ICU tin pashent di COVID-19, pero tambe otro pashent. Tur e casonan positivo ta bin desde comienso di december door di fiestanan di Sinterklaas, compras y hopi otro cos. Na november crisis team a dicidi di flexibilisa pa tur grupo haya chens, incluso pa esnan cu ta traha den turismo, pero por mira e resultado awo door di a haci esey.
Pa supermercado ta permiti 1 persona pa famia, asina Sharline Koolman di DVG a bisa. Cada persona uza un shopping cart y e supermercadonan haci nan limpi. Tambe ta recorda tur hende mantene e distancia di 1.5 meter. Por sigui cu deporte, pero ta prohibi deporte di contacto y tambe no mag tin publico presente.
