Minister Presidente mr. Evelyn Wever-Croes a reuni cu Secretario di Estado Raymond Knops, unda cu nan a trata diferente topico. P’e mandatario durante e reunion aki e acuerdonan tabata bon y den nomber di Aruba, Gobierno di Aruba ta gradici Hulanda p’e yudansa durante pandemia. E secretario a reacciona riba algun punto di cual e ta di pensamento cu gobierno mester sigui cu medidanan pa loke ta e pandemia.
Secretario Knops a bisa cu e pandemia a percura cu no por a bin mas trempan, pero desde juli tabatin diferente combersacionnan riba e necesidadnan di inverti y reformanan, hunto cu Reino Hulandes. Den e ultimo dos dianan cu e tabata na Aruba, el a haya e oportunidad pa combersa cu miembronan di Conseho di Minister, pero tambe cu Gobernador, personanan encarga cu voedselbank, specialistanan di hospital. Tambe cu personal di e Cas Blijf van Mijn Lijf af, cu ta atende cu personanan cu ta sufri di violencia domestico na Aruba.
El a reacciona riba e parti cu Aruba ta e prome cu a tuma medidanan. Tambe e kier pa hendenan di Aruba sa cu e gobierno aki mester sigui haci esey. Nan tin experencia cu economia vulnerabel, manera esun di Aruba cu ta un isla relativamente chikito y ta depende di turismo. Si mira con e hotelnan ta para y kico esey ta significa pa esnan cu tin un trabou den e sector turistico, eynan e impacto ta grandi. Tin hopi cos pa haci y Aruba no por haci esey su so.
Aruba ta un di e cuater islanan den Reino Hulandes cu ta autonomo desde 1986 y a logra hopi cos, pero e crisis aki ta asina grandi pa Aruba solucion’e su so. E siguiente fase lo consisti di yudansa financiero, pero tambe yudansa tecnico di cual e pueblo tambe tin di yuda na esaki. Segun Knops, lo bin medidanan apesar e no ta cuestion gobierno kier haci esey pero ta necesario den e bienestar di e pais.
