E sindicatonan cu ta representa empleado publico, no a sali cu ningun resultado for di e reunion cu gobierno riba e tema di indexering. Tur siman e ocho sindicatonan ta toma cu gobierno pa mira cual ta e desaroyo den nan peticion pa indexering, cu por cierto nan ta leu for di otro. Awe, diahuebs, 11 di april, un biaha mas e sindicatonan a yega, sinta warda y reuni pa sali despues sin nada concreto.
Simplemente gobierno a bisa e sindicalistanan cu nan no tin contesta concreto pa nan ya cu mester di mas tempo pa studia loke cu a entrega na documentacion. Gobierno ta ofrece indexering di un tiki mas cu shete porciento, mientras cu e sindicatonan ta exigi algo cu mas cu diescuater porciento. Pues esaki ta mustra cu na ta basta leu di otro.
Echo ta cu e mensahe di e sindicatonan ta cu e miembronan no ta acepta menos cu 14%.
E siguiente reunion ta otro siman diahuebs.