Mirando e situacion di crisis pa cu COVID-19 cu nos ta aden y teniendo na cuenta e maneho temporal indica pa Gobierno pa mantene un skeleton crew lo mas posibel na companianan, Post NV no por alcansa na reparti tur recibo na tempo. Pa cu esaki, Setar NV a tuma e iniciativa pa temporalmente haci uzo di e servicio di otro compania pa por logra haci reparticion di recibonan na tempo pa un grupo limita di su clientenan.
A presenta caba situacionnan caminda clientenan a acudi na Setar su teleshops pa efectua nan pagonan, pero mirando cu nan no tabata tin nan recibo cu nan esaki a crea un aglomeracion door di e tempo di espera cu a bira mas hopi cu normal. Esaki a conduci na finalmente tuma e decision di uza otro servicio di partimento di carta temporalmente y tanten cu Post NV por bay bek na normalidad pa reparti corespondencia.
