Den e conferencia di prensa di crisis di Coronavirus, Minister President di Hulanda, esta Mark Rutte, a informa e comunidad Hulandes riba cambionan haci den enseñansa. E otro medidanan ta keda vigente te cu 20 mei.
E medidanan ta como lo siguiente:
· Muchanan te cu 12 aña por bay mita dia scol desde 11 mei
· Mayornan mester trece e muchanan sea canando of cu bais
· Enseñansa special pa muchanan di edad scol basico ta habri 100%
· Enseñansa avansa por prepara cuidadosamente p’e reanudacion parcial desde 2 juni
· Muchanan te cu 12 aña por cuminsa haci deporte (solamente train, niun competencia)
· Deporte desde 12 te 18 aña por solamente na un distancia di 1.5 meter (solamente train, niun competencia).
E mandatario a bisa cu e cifranan di esnan cu ta yega hospital y e cantidad di pashentnan di COVID-19 den cuido intensivo (ICU) “ta duna speransa”. “E presion di cuido ainda ta sumamente halto. Nos kier cuminsa duna e cuido regular, pero mester di espacio. Y e situacion den casnan di cuido ainda ta preocupante.”
E gabinete a bay di acuerdo cu e conseho di Outbreak Management Team (OMT) pa muchanan di scol basico por bay bek scol desde 11 mei. “Por ehempel nan por bay un dia mita y e otro dia mita,” segun Rutte. E elaboracion ta rekeri personalisacion y cu e scolnan ta ofrece pa nan mes espacio haya e miho solucion. Enseñansa avansa por prepara cuidadosamente p’e reanudacion parcial desde 1 juni, si esaki bay bon na scolnan basico. Asina cu e scolnan secundario cuminsa, e aña escolar por sigui vakantie regular di zomer.
Un discusion importante pa habri e scolnan basico cu precaucion ta cu e muchanan tin menos chens di infecta cu Coronavirus y tin sintomanan mas leve, segun hefe di RIVM, Jaap van Dissel. E argumento aki tambe ta aplica pa deporte. Muchanan te cu 12 aña por train un biaha mas den gruponan desde 28 april. E hobennan entre edad di 12 y 18 aña tambe por cuminsa haci esey, pero na un distancia di 1.5 meter. Aunke cu nan por train, no por tin competencianan. “Esey ta pone cu tin biahamento y mas contacto,”Minister Rutte a bisa.