Gobernador di Corsou tabatin un siman ocupa cu difernte bishita importante riba agenda. Entre e bishitanan aki por a tuma nota di presencia di Jandino Asporaat hunto cu dhr. Bart Siemerink, cu a haya oportunidad di entre otro combersa y duna mas informacion riba e desaroyo rond di proyecto Hofi Mango na Corsou.Tambe a menciona e intencion di instala, adicionalmente un cura di cadushi.
Adenas di esaki, tambe a ricibi delegacion cu a bin presenta reintroduccion di desaroyo Plaza Hotel
Un bishita cu tabata recien, di e director di Algemeen Pensioenfonds Curacao (APC), Evelyn Kruithof-Bor y di un delegacion cu a compaña durante e bishita na e Gobernador di Corsou H.E. Lucille George-Wout.
Durante e bishita aki a haya oportunidad di tene un presentacion riba e ultimo update relaciona cu e reintroduccion di desaroyo di e proyecto bou nomber anterior di Plaza Hotel Corsou.
Embahador di Hulanda na Venezuela di bishita oficial na Gobernador
Gobernador di Corsou a ricibi diferente bishita oficial durante e siman aki. Entre nan, diaranson dia prome di december, a ricibi Embahador di HUlanda na Venezuela dhr. Robert Schuddeboom cu un bishita di trabou na Gobernador di Corsou, Su Excelencia Lucille George-Wout
Durante e bishita e toca diferente topico pero principalmente e situacion actual na Venezuela riba e area politico, economico y social.
Ombudsman di Corsou y Sin Maarten tambe a reuni e siman aki. A papia riba conferencia pa combati pobresa na caminda.
Un siman ocupa cu diferente bishita y reunion pa gobernador di Corsou. Diaranson dia 30 di november e Ombudsman nacional , Reinier van Zutphen, tambe tabata di bishita na Gabinete di Gobernador.
Gobernador di Corsou Lucille-George-Wout a sinta hunto cu dhr. van Zutphen como tambe e Ombudsman di Corsou, dhr. Keursly Concincion y e Ombudsman di Sint Maarten, mevr. Gwendolien Mossel pa asina discuti entre otro riba conferencia cu pronto lo bay tuma luga, riba e tematica di combatimento di pobresa na Corsou
