Tras su reunion na Universidad di Groningen, a combersa cu Minister di Energia, Glenbert Croes. Diabierna el a atende, hunto cu representantenan di Ministerio di Clima y Energia, como tambe Ministerio di Economia di Hulanda, un presentacion for di esunnan cu a crea e asina yama Hydrogen Valley na Noord Holland. Esey a forma e ultimo parti di ronda di consulta y orientacion na Hulanda e siman aki riba e decision cu Aruba mester tuma pa redesaroya e zona di refineria cu industria energetico.
A papia cu algun responsabel di e proyecto EnTranCe (Energy Transicision Center) di Universidad di Groningen y haya un presentacion, for di cual Minister Croes ta saca conclusion cu, mescos cu na Noordzee caminda tin hopi biento, na Aruba tambe tin esey mas hopi solo pa Aruba bira e destino di e prome hydrogen valley pa Caribe.
“Den bon cooperacion cu Ministerio di Clima y Energia (di Hulanda), e ta diversificacion di nos economia, e ta calidad pa nos conciudadanonan, pero e ta alabes actividad economico den un vision di hub pa comercio internacional den e produccion y distribucion di hidrogeno pa nos region y ken sa, pa otro destino na mundo,” asina e titular di energia y labor pa Gabinete Wever-Croes II a comenta.
Pa e relato completo, lesa edicion di TREMPAN
