Riba diamars anochi 12 di juli 2022 a tuma luga e ceremonia anual organisa pa Women’s Club of Aruba, durante cua ta duna reconocimento na e miho graduadonan di Aruba.
Gobernador di Aruba, Su Excelencia Alfonso Boekhoudt a asisti na e ceremonia aki, cual a tuma luga na Boulevard Events Aruba. Minister di Enseñansa y Deporte, señor Endy Croes, tambe tawata presente durante di e evento di reconocimento.
E aña aki 21 graduado di VWO, HAVO, International School of Aruba, IBERO American High School, MAVO, EPI, EPB, SPO, Avond HAVO y Avond MAVO a ricibi nan reconocimento.
Gobernador di Aruba y Gabinete di Gobernador ta felicita e 21 miho graduadonan, pero tambe tur otro studiante na Aruba cu a gradua pa e aña escolar tras di lomba. Deseonan di hopi exito den nan futuro carera.
